K-2 Loftstokkahreinsun býður upp á það besta sem völ er á í dag í alhliða hreinsun á eldhúsháfum. Stefna okkar er að vera ávalt með bestu fáanlegu efni, tæki og búnað. Allir okkar starfsmenn hafa sérhæft sig í þeirri þjónustu sem við veitum, hvar á landinu sem er.  

Miklu máli skiptir að það sé gott eftirlit með loftræstingu fyrirtækja. Þurrt loft og yfir- eða undirþrýstingur getur haft víðtæk áhrif á líðan starfsmanna og viðskiptavina. Með því að hreinsa reglulega og hafa eftirlit með loftræstingu má koma í veg fyrir að slíkt gerist og í mörgum tilfellum auka afköst og fækka veikindadögum starfsmanna.

Eðlilegt er að loftræstikerfi sé yfirfarið og hreinsa á 3-5 ára fresti (Oftar þegar um er að ræða útsogskerfi frá wc, búningsklefum og þess háttar). Við mælum með síuskiptum 1-2 sinnum á ári til að viðhalda hreinu og heilsusamlegu starfsumhverfi. K2 Loftstokkahreinsun er í nánu samstarfi við ýmis fyrirtæki sem hafa yfir að ráða viðamikilli sérþekkingu á ýmsum sviðum loftræstikerfa. Með þessu samstarfi tryggir K2 Loftstokkahreinsun að hægt sé að veita viðskiptamönnum sínum ýmsa sértæka þjónustu sem hluta af heildarlausn, sé þess óskað.

Lífsnauðsynlegt

Súrefni er manninum nauðsynlegt. En eins hagnýtt og loftræstikerfi getur verið, á vinnustað, heima eða annars staðar í híbýlum fólks getur það hæglega breyst yfir í andstæðu sína ef ekki er hugað að reglulegu eftirliti og þrifum á kerfinu.

RANNSÓKNIR HAFA LEITT Í LJÓS:

• Að við eyðum um það bil 90% af tíma okkar innandyra og því hefur það loft sem við öndum að okkar mikil áhrif á heilsuna.
• Tengsl milli mengunar í lofti innandyra við margvíslega sjúkdóma
• Að loft innandyra getur verið allt að 70 sinnum mengaðra en loft utandyra.
• Að svokölluð húsasótt (e. Sick Building Syndrome) einkennist af vanlíðan, ofnæmi og astma. Húsasótt er þekkt afleiðing lélegrar loftræstingar. Starfsfólk merkir fljótt þegar loftræstikerfið er ekki að virka sem skyldi; vanlíðan, höfuðverkur, húðerting, augna- og munnþurrkur og fleiri óþægindi eru dæmi um einkenni húsasóttar. Atriði sem geta valdið minni afköstum og aukið á fjarvistir starfsmanna. Fólk með ofnæmi og astma er sérstaklega viðkvæmt fyrir húsasótt.

Sótthreinsun með D-Sun (Byotrol):

K-2 Lofstokkahreinsun hefur einkaleyfi á notkun Byotrol-misturs en það hefur valdið byltingu í sótthreinsun. Með því að sótthreinsa loftræstikerfið með Byotrol-mistri og húða það með polymer, lengist líftími kerfisins. Aðferðin dregur mjög úr hættunni á að örverur, rykagnir og önnur skaðleg óhreinindi setjist að í kerfinu.

Hvað er D-Sun?

Byotrol-mistur er náttúruvænt hreinsiefni sem dælt er inn í rýmið sem á að sótthreinsa. Mistrið smýgur um allt rýmið, líka á þá staði sem hefðbundnar hreinsunaraðgerðir ná ekki til. Byotrol er með öllu hættulaust. Rannsóknir sýna að efnið er 99,9% virkt gegn bakteríum, þ.m.t. salmonellu, listeríu og sthaphylococcus.

Þrátt fyrir eðlilegt viðhald (sem m.a. felst í síuskiptum) safnast upp óhreinindi, bakteríur og gerlar innan í loftræstistokkunum. Ekki er nóg að skipta eingöngu um síur og því þarf að hafa reglulegt eftirlit með stokkunum sjálfum.

Hafðu samband og pantaðu fría ástandsskoðun í Síma: 557 7000